ტრენინგის მეცხრე დღე

გავიმეორეთ  წინა  მეცადინეობაზე  განხილული საკითხები.  გავეცანით   გამოკითხვის  გაჯეტს. შევაჯამეთ  ტრენინგი. თითოეულმა  მასწავლებელმა  ისაუბრა  საკუთარი პროექტის  ირგვლივ. ტრენინგის  მონაწილეებმა   ძალიან  საინტერესოდ წარადგინეს  განსახორციელებელი  პროექტების  მიზანი, ისაუბრეს  თემის  აქტუალობაზე. განსაკუთრებით  მომეწონა  თემები: გეომეტრიული ფიგურების  როლი ცხოვრებაში, რადიაცია  შინ,  ფორდბოიარდი, გამოწვევები და მისწრაფებები ახალი თაობისათვის- ახალი ნაბიჯები ევროპულ სივრცეში , როგორ  უყვარდათ საქართველოში. იმედი მაქვს,  რომ თითოეული მათგანი წარმატებით  განახორციელებს  დაგეგმილ პროექტს.

ტრენინგის მერვე დღე

დღეს  ვიმუშავეთ ფასილიტაციის რესურსების შექმნაზე, თუ როგორ  უნდა გავუწიოთ ფასილიტაცია კლასს პროექტზე მუშაობის პროცესში. გავაკეთეთ სლაიდშოუ      powerpoint-ის გამოყენებით. გადავხედეთ  პორტფოლიოს  და ავტვირთეთ დრაივზე. შევქმენით სიის გაჯეტები, მივანიჭეთ მისამართი  და ავტვირთეთ ბლოგზე.

ტრენინგის მეშვიდე დღე

გავიმეორეთ წინა დღეს  განხილული საკითხები. აღვწერეთ სასწავლო პროექტის სრული ციკლი. ვიმუშავეთ  პროექტის გეგმაზე  ყველა მოსწავლის საჭიროების გათვალისწინებით, განვსაზღვრეთ პროექტისთვის საჭირო რესურსები:აპარატული, პროგრამული, ბეჭდური, ინტერნეტრესურსები, ინვენტარი, მასალები.

ტრენინგის მეხუთე დღე

დღეს  ვისაუბრეთ  საავტორო  უფლებების დაცვაზე.განვიხილეთ ლიტერატურული შაბლონები.დავათვალიერეთ ერთმანეთის  ბლოგები და  დავწერეთ  კომენტარები. შევქმენით მოსწავლის ბლოგი, ვიმუშავეთ  ბლოგის დიზაინზე.

ტრენინგის მეოთხე დღე

გავიმეორეთ წინა დღეს განხილული საკითხები. განვიხილეთ  შეფასების სხვადასხვა მეთოდები.პროექტზე დაფუძნებული სწავლების შესაფასებლად გამოვიყენებთ როგორც განმავითარებელ,  ისე  განმსაზღვრელ შეფასებას. შევავსეთ შეფასების დროის ჩარჩო პროექტის მსვლელობის ეტაპების გათვალისწინებით, დავწერეთ შეფასების მოკლე მონახაზი.შევქმენით  მასწავლებლის პორტფოლიოს პრეზენტაცია .

ტრენინგის მესამე დღე

დღეს  ვიმუშავეთ სასწავლო პროექტის გეგმაზე. დავისახეთ სასწავლო მიზნები და გამოვკვეთეთ მიმართულების მიმცემი საკვანძო კითხვები: ზოგადი, თემატური და შინაარსობრივი.განვიხილეთ საკვანძო კითხვების მაგალითები და მნიშვნელოვანი იდეის გამომხატველი  სიტყვები. გამოვკვეთეთ პროექტის შინაარსი და შევუსაბამეთ სტანდარტს.

ტრენინგის მეორე დღე

   დრეს  ტრენინგში მონაწილე  პედაგოგებმა ერთმანეთს  გავუზიარეთ  განსახორციელებელი პროექტების სათაურები. გავეცანით პუბლიკაციის მომზადების  წესებს, შევქმენით საინფორმაციო ბუკლეტი, რომელიც დაინტერესებულ ადამიანებს აუხსნის  ჩემ  მიერ კლასში  პროექტის   განხორციელების მიზნებს.ვიმუშავეთ ბუკლეტის  დიზაინზე. ვფიქრობ,  ძალიან  ნაყოფიერი და საინტერესო იყო  დღევანდელი ტრენინგი.

ტრენინგის პირველი დღე

     წარვუდგინე  ჯგუფს  ჩემი თავი და გავეცანი  კურსის  მონაწილეებს. გავაცანი ჩემი  ამ კურსში  მონაწილეობის  მიზნები. ვფიქრობ, კომპიუტერული  ტექნოლოგიების ეფექტურად გამოყენებით,  ინტელის  კურსი  დამეხმარება  მოსწავლეთა წარმოსახვის, შემოქმედებითი  უნარებისა და  უკეთესი სასწავლო შედეგების მიღწევაში.  შევქმენი პორტფოლიოს ელექტრონული  საქაღალდე, რათა  ორგანიზებულად  შევინახო  როგორც მიმდინარე, ისე დასრულებული დოკუმენტები. ტრენინგზე  მიღებული  ცოდნა და გამოცდილება  დამეხმარება  მოსწავლეს  ჩამოვუყალიბო   21-ე საუკუნის  უნარ-ჩვევები.